Gikondena ni Atty. Rhobert Maestre, presidente sa Integrated Bar of the Philippines (IBP) Misamis Oriental Chapter, ang mga impormasyon nga gipagawas sa gobyerno kabahin sa init nga diskusyon sa imbestigasyon sa korapsyon sa nasud.
Sa iyang interbyu sa Bombo Radyo, gipadayag ni Maestre ang iyang pagkondena sa gibuhat nga pag‑uhaw ug paggutom sa katawhan sa insaktong impormasyon ug balita.
Kini human nagpagawas og impormasyon ang presidente nga nadakpan na si Zaldy Co apan walay gipakita nga snapshots o litrato nga nagpamatood niini.
Sa assessment sa abogado, para kaniya ang mga lakang sa gobyerno karon tinuyo ug usa ka taktika aron libogon ug hatagan og kaguliyang ang katawhan.
Iyang giingon nga kini nag‑pokus lamang sa impeachment proceedings batok ni Vice President Sara Duterte ug sa pagpakanaog og hukom sa ICC batok sa iyang amahan.
