Wala na magpakita sa Kongreso si Democratic US Representative Sheila Cherfilus-McCormick pipila ka minuto sa wala pa magsugod ang House Ethics Committee hearing alang sa iyang silot sa ethics violations.
Ang maong hearing milungtad lang sa ubos sa lima ka minuto samtang nagpabilin nga init ang isyu sa iyang gi-atubang nga kaso sa Department of Justice nga nag-angkon nga iyang gikawat ang $5-milyon nga federal disaster funds aron gamiton sa kampanya.
Sa iyang social media post, gi-akusahan niya ang proseso sa ethics review nga usa ka “witch hunt” ug giingon nga wala siya hatagi sa igo nga oras aron depensahan ang kaugalingon.
Ang iyang pag-biya sa puwesto nagpalapad dayon sa gamay nga kadaghan sa Republicans ngadto sa 217-213, samtang ang iyang federal trial sa Pebrero makapahamtang kaniya sa hangtod 53-ka tuig nga kapriso kung mapamatud-an. (phillip ariata)
