Nadawat na ni kanhi Presidente Rodrigo Duterte ang desisyon nga gipakanaug sa International Criminal Court (ICC) Pre-Trial Chamber I, nga mikompirmar sa tolo ka ihap sa kasong crimes against humanity, tungod sa iyang gipatuman nga “war on drugs campaign” ubos sa iyang administrasyon.
Gitataw ni Veronica “Kitty” Duterte nga daan nang gilauman sa iyang amahan ang hukom ug miingon nga wala na siyay mabuhat.
Gani, mi-ingon si Kitty nga gipasa na tanan sa iyang amahan sa Labaw nga Makagagahum ang hukom sa resulta sa kaso.
Hisayran nga obligado na si Duterte nga mutambong sa hearing oras nga pormal kining sugdan sa ICC.
