Mihimo og mas istrikto nga kontrol sa pondo ang House of Hope Foundation aron mas mapalig-on ang pagdumala sa ilang mga resources, sumala sa pagpasabot ni Wilson Amad sa iyang interbyu sa Bombo Radyo.
Matod ni Amad, gipatuman sa organisasyon ang internal control procedures nga naglakip sa mga pamaagi sa pagpanalipod sa assets, ilabi na sa cash transactions.
Iyang gipadayag nga kini nga lakang naggarantiya nga hapsay ug protektado ang tanang pondo nga moagi sa foundation.
Dugang pa niya, bisan pa sa giingong financial restrictions gikan sa city government, padayon gihapon ang ilang operasyon pinaagi sa klaro ug organisado nga accounting system.
Gipasabot usab niya nga ang ilang mga donors nakakita sa transparency sa pagdumala, lakip na ang kumpletong dokumentasyon sa vouchers ug financial records.
Busa, gipasiugda ni Amad nga ang higpit nga kontrol sa pondo usa ka paagi aron mapadayon ang pagsalig sa mga donor ug mapalig-on ang serbisyo sa foundation.(
