Gitakdang mu-atubang sa korte sa Washington DC ang suspek nga responsabli sa pagpamusil sa White House Correspondents Dinner, kagahapon.
Kini ang gibutyag ni Bombo International News Correspondent (BINC) Dolly Ilogon, sa Bombo Radyo CDO. Miingon si Ilogon nga naila ang suspek nga si Cole Tomas Allen, 31 anyos, gikan sa Torrance, California.
Nadakpan ang suspek pagkahuman sa insidente ug gipasaka ang patong-patong nga kaso human nagresulta sa gamay nga komosyon ang aktibdad, ug usa sa secret service personnel ni US President Donald Trump ang naigo sa pusil nga gidala sa suspek dihang misukol sa pag-aparta kaniya.
Milanding sa hospital ang suspek human kini maka-angkon sa samad-pinusilan sa lawas.
Miingon si Ilogon nga nakadawat sa baga nga pagsaway “dinner” nga hosted sa White house tungod sa kalu-ag sa seguridad human napasulod sa suspek ang tolo ka klase sa armas ug hinagiban.
Hisayran nga kung si Trump ang punterya sa suspek, kini na ang ikatolong assassination attemp kaniya sukad mipungko sa iyang ikaduhang termino isip presidente sa Amerika.
