Kauban ang mga kanhing rebelde, padayon ang pagtinabangay sa Philippine Army ug mga kanhing miyembro sa walhong grupo aron makab‑ot ang tinguhang mahimong insurgency‑free ang mga rehiyon nga ubos sa area of responsibility sa 4th Infantry Diamond Division sama sa CARAGA ug Northern Mindanao.
Sa interbyu ni 4th ID Spokesperson Lieutenant Colonel Joe Patrick Martinez, iyang giingon nga padayon gihapon ang kampanya sa pag‑pahinumdom sa mga komunidad kung unsa kabati ug unsa kalisod ang kinabuhi sa usa ka rebelde.
Gipakita kini pinaagi sa mga testimonya sa mga kanhing NPA nga misurender ug karon nagtrabaho na sa gobyerno, aron ma‑aghat ang ilang mga kauban nga mubalik sa sabakan sa gobyerno ug magkinabuhi sa malinawon.
Naglaum ang mga sundalo nga muabot ang adlaw nga ang sunod nga henerasyon sa kabatan‑onan masinati ug ma‑enjoy na ang kahusay ug kalinaw sa Northern Mindanao ug wala na’y musampa sa walhong kalihokan.
