Nagpahayag si PDP National member ug COM chairperson Astra Pimentel nga lisod makuha ang two‑thirds vote sa Senado alang sa posibleng conviction ni Vice President Sara Duterte.
Sa iyang interbyu sa Bombo Radyo, giingon niya nga bisan pa og 24 ang miyembro sa Senado, dili gihapon sayon ang pagkompleto sa kinahanglan nga boto, ilabi na kay wala apil si Senador Bato dela Rosa sa kasamtangang ihap.
Gipunto usab ni Pimentel nga ang mga senador adunay kaugalingong konsiderasyon ug politikal nga pagtan‑aw tungod kay sila napili pinaagi sa nasyonal nga eleksyon ug independente sa panghunahuna.
Base sa iyang kasinatian sa pagtrabaho sa Senado sulod sa 15 ka tuig ug sa ehekutibo nga branch sulod sa unom ka tuig, iyang giingon nga nasabtan niya ang paagi sa paglihok sa mga senador sa mga sensitibong proseso.
Dugang pa niya, gi‑assess niya nga huyang ang orihinal nga impeachment complaint ug kulang sa klaro nga ebidensya ug mga attachment nga makapabarog niini.
Matod pa niya, mura kini og “fishing expedition” nga pamaagi ug dili lig‑on kung ihatag na sa aktuwal nga impeachment trial.Tungod niini, para kaniya gamay ra ang posibilidad sa conviction batok sa Bise Presidente.
