Gisugyot ni Wilson Amad, usa ka lay theologian, nga ang pagpakunhod sa production cost maoy mas praktikal nga solusyon kaysa sa hanyo nga pagpataas sa sweldo ngadto sa ₱1,200.
Matod ni Amad, kung mosaka ang sweldo, posible usab nga mosaka ang presyo sa mga palaliton nga mahimong makadugang sa inflation ug makapabug-at sa mga konsyumer.
Dugang pa niya, kasagaran nga ang mga negosyante mopasaka sa dugang gasto ngadto sa presyo sa ilang mga produkto.
Busa, iyang gipunting nga pinaagi sa pagpaubos sa gasto sa produksyon, mahimong mapadayon ang barato nga presyo sa mga batakang palaliton.
Alang kang Amad, ang pagtutok sa production cost mas makatabang aron mapadayon ang balanse sa ekonomiya ug maprotektahan ang mga konsyumer batok sa sobra ka taas nga presyo sa basic goods.
