Gipasabot ni Atty Proculo Sarmen nga normal lang nga supakon ni Senador Marcoleta ug kuwestiyonon ang partial committee report ni Senate Pro Tempore Panfilo Ping Lacson, sa pagpresentar sa senate plenary kagahapon.
Alang kang Sarmen, kung baseha ang “rules of procedure” aduna usab katungod si Lacson nga dili makig debate o tubagon si Marcoleta kay gipresentar man niya ang iyang report pinaagi sa privilege speech.
Miingon ang abogado nga kung napirmahan lang sa siyam ka senador ang report sa Blue Ribbon Committee ayha pa kini muaginod sa plenaryo sa senado.
Sa plenaryo, mapugos na si Lacson sa pagtubag sa mga pangutana sama sa gihimo nga pahayag ni Marcoleta kagahapon.
Usa niini ang pagtumbok kung nganong wala nasulat ang ngalan ni Ex speaker Martin Romualdez sa report ug uban pang gitawag nga “big fish” nga nalambigit sa flood control corruption scandal sa Department of Public Works and Highways
