Gipahayag sa National Bureau of Investigation nga ilang susihon ang mga “vloggers” nga nalambigit sa buluhatong pagpanghulga o pagpangikil aron makakuha og kwarta.
Gibutyag kini ni Bureau of Investigation Director Atty. Melvin Matibag, subay sa pagka-aresto sa online media network personality nga si Franco Mabanta ug sa uban pang kauban sa kasong “extortion”.
Basi sa impormasyon nga daw nangikil ang maong vlogger kay kanhi House Speaker Martin Romualdez sa kantidad nga P300-M baylo sa dili pagpagawas sa “video expose” sa online media network.
Gipahayag ni Dir. Matibag nga wala kini labot sa politika ug mas dili tumong niini nga arestuhon ang mga kritikal sa administrasyon, daw kinahanglan nga manubag ang mga indibidwal nga nalambigit sa pagpangolekta sa kwarta o di kaha makapangayo og posisyon. (riza budlao)
