Giuyonan sa mga lider sa Association of Southeast Asian Nationa (ASEAN) ang pagtukod sa ASEAN Maritime Center nga ipahimutang sa Pilipinas.
Miingon si Presidente Ferdinand Marcos Jr nga nga gilauman nga magpalig-on kini sa seguridad ug kooperasyon sa West Philippine Sea (WPS).
Ang Maritime Center maoy magsilbing hub alang sa koordinasyon sa maritime patrols, pagpaambit o binayluay sa impormasyon, ug pagpalig-on sa kapasidad sa mga miyembro nga nasud sa pag-atubang sa mga hulga sa rehiyon.
Gawas sa maritime security, gipaspasan usab ang diskusyon sa ASEAN Power Grid ug oil-sharing deal.
Si Marcos namugos nga ang Power Grid nagtinguha nga maghiusa ang mga nasud sa ASEAN sa usa ka interkonektadong sistema sa kuryente aron masiguro ang mas lig-on ug mas barato nga suplay sa enerhiya.
Samtang ang oil-sharing deal, gilaraw aron mahimong panagang sa rehiyon batok sa kalit nga pagsaka sa presyo sa lana tungod sa nagpadayong tensyon sa Middle East.
Sa hiniusang pag-uyon, gitinguha nga ang inisyatiba dili lamang maghatag ug dugang seguridad sa enerhiya ug dagat, apan magpadayag usab sa panaghiusa sa ASEAN sa pag-atubang sa mga global nga krisis.
Ang Pilipinas, isip host sa Maritime Center, gilauman nga madala sa mas dakong papel sa regional security ug energy cooperation
