Dili na makahulat si Kyle Chester Cotacte sa grupong Akbayan Youth CDO sa mahitabong impeachment trial batok kang Vice President Sara Duterte.
Namahayag si Cotacte sa Bombo Radyo nga pinaagi sa trial mas mahatagan og kahigayunan ang katawhan nga masuta kung unsa gayud ang depensa sa defense team sa Bise Presidente.
Matod pa niya, pinaagi sa oral arguments sa prosecution ug defense, mas makita sa tanang observers ang kamatooran.
Excited si Cotacte sa posibleng “battle of the minds” nga mahitabo ug sa katapusan mahibal-an ang kamatooran human sa taas nga panahon nga milikay sa pagdungog ang Bise Presidente.
Iyang gibutyag nga karon nga usa na lang ka lakang ug pwede nang matang-tang ang Bise Presidente, naglaum siya nga sa trial hatagan na og katin-awan ang mga alegasyon batok kaniya.
Dugang pa niya, dako ang iyang respeto kang VP Duterte isip Mindanawon leader, apan naglaum siya nga mahimong maisogon kini sa pagtubag sa walay undang nga mga isyu ug alegasyon.
