Dili pa angay nga magkompyansa si Senador Alan Peter Cayetano, kinsa bag‑ong Senate President sa Senado. Kini maoy giingon sa abogado nga si Atty. James Judith sa iyang pakighinabi sa Bombo Radyo.
Butyag niya nga dili usab angay magsadya ang mga supporters sa mga Duterte sa nahimong “leadership coup” o kalit nga pagbalhin sa suporta sa kadaghanang senador.
Gitataw sa abogado nga tungod kay adunay nipis nga kalamangan sa boto ang kasamtangang majority bloc, posible pang adunay kabag‑ohan sa Senado ug pwede pang mapulihan sa pagka Senate President si Cayetano.
Dugang pa ni Judith, sa pagkakaron wala pa’y kasiguraduhan ang bag‑ong kahimtang sa Senado tungod kay wala pa’y klaro ang dagan ug dinamiko sa politika.
Hinoon, nagtuo ang abogado nga ang matag senador adunay kaugalingong interes nga mamentinar ang ilang political self‑preservation, busa posibleng aduna pa’y mahitabong kausaban sa liderato sa Senado.
