“Dili lang ni isyu sa pintura o streetlights, isyu kini sa safety sa atong mga tawo.” Mao kini ang gipadayag ni City Councilor George Christopher Goking sa iyang special report atol sa regular session sa City Council kagahapon.
Matod pa niya, seryoso na ang kahimtang sa mga kupas ug dili klarong pedestrian lanes sa nagkalain‑laing bahin sa dakbayan, ilabi na panahon sa gabii ug ulan.
Gisaysay usab ni Goking nga adunay mga crossing areas nga ngitngit ug lisod makita ang mga motabok, nga mahimong hinungdan sa disgrasya sa dalan.
Tungod niini, gisugyot niya ang regular repainting sa pedestrian lanes, paggamit og reflective materials, pagbutang og dugang suga, ug pagpahigayon og safety audits sa mga dalan.
Gihangyo usab ni Goking ang mas lig‑on nga koordinasyon sa mga concerned offices aron masiguro ang kaluwasan sa mga pedestrian sa dakbayan.
