Gipahibalo ni PLt. Col. Domer Tadeo, ang servicing legal officer sa Firearms and Explosives Office (FEO), nga nakadagan na ang ilang imbestigasyon kabahin sa hangyo nga kanselahon ang lisensya sa armas ni Senador Bato Dela Rosa.
Sa tinuoray lang, wala na nagpaabot ang maong buhatan og hangyo gikan sa National Bureau of Investigation aron sugdan ang proseso.
Dugang pa ni Tadeo, sukad pa niadtong miaging semana nakuha na nila ang gikinahanglang ebidensya alang sa pag-revoke sa License to Own and Possess Firearms ug pagparehistro sa armas sa senador.
Busa, gipasalig sa opisyal nga kasamtangan na nilang gituki og maayo kung unsa nga basehan o ground ang ilang gamiton sa maong lakang.
Kini tanan may kalabutan usab sa nagpadayon nga operasyon kabahin sa warrant gikan sa International Criminal Court.
