Tin-aw nga gipunting ni Ray Talimio Jr., Co-Chairperson sa Economic Development Committee RDC-X, nga ang mga aksyon nila kanhing Senate President Sotto ug Senator Lacson gipahigayon aron protektahan ang Presidente kabahin sa mga anomaliya sa flood control project.
Hinuon, gipasabot ni Talimio nga wala pa silay igong dokumento o basihan aron mopasaka og kaso tungod kay wala madayon ang maong imbestigasyon.
Bisan pa man niini, gipasalig niya nga posibleng ipadayon ang imbestigasyon sa Senate Blue Ribbon Committee karong Hunyo aron masusi kining mga naglutaw nga isyu.
Sa laing bahin, iyang gihimug-atan nga bisan pa og wala nay panahon sa pag-impeach sa Presidente karon, mahimo gihapon kining lakgon sa Ombudsman o Sandiganbayan human sa iyang termino kung wala na siyay immunity.
Dugang pa, gipakita ni Talimio nga ang maong mga senaryo mahimong mahitabo tungod sa daghang mga nag-ung-ong nga problema, sama na lang sa moabot nga hulga sa Super El Niño nga wala pa gitagaan og igong pagtagad sa atong nasudnong gobyerno.
