Gipadayag ni Fr. Derjohn Faborada, ang Social Communications Director sa Archdiocese of Cagayan de Oro, ang bug-os nga suporta sa Simbahan alang sa mga biktima sa Extrajudicial Killings kon EJK.
Sumala kaniya, ang pagtukod sa usa ka truth commission usa ka dakong oportunidad aron makab-ot sa mga biktima ang hustisya nga wala kanila mahatag pinaagi sa due process.
Dugang pa sa pari, angayan nga maghiusa ang tanan sa pagpanalipod sa moralidad ug sa kamatuoran sulod sa atong katilingban.
Dili usab kalimtan ni Fr. Faborada ang pag-ampo alang sa nasod ug sa gobyerno aron mahatagan og katapusan ang problema sa ilegal nga druga. Sa katapusan, mipaabot siya og paglaum nga wala na untay kinabuhi nga makabsan pa tungod niining maong krisis.
