Giawhag ni Patrick Allan Callanta, Disaster Risk Reduction Management Officer sa OCD-10, ang tanang katawhan nga mag-amping ug magtipid sa paggamit sa tubig ug kuryente nunot sa umaabot nga epekto sa El Niño.
Dugang pa niini, gipahinumdoman ni Callanta ang publiko nga likayan ang direkta nga pagpabilin ilalom sa init sa adlaw ug moinom og daghang tubig aron malikayan ang dehydration ug uban pang sakit nga may kalabotan sa kainit.
Subay niini, gidili na usab ang pagsunog-sunog sa mga basura o sa bisan unsa nga makapahinog og kalayo sa mga umahan aron malikayan ang sunog.
Busa, gikinahanglan ang kanunay nga pag-monitor sa mga opisyal nga advisories gikan sa Pagasa, OCD, ug mga lokal nga kagamhanan alang sa mga bag-ong impormasyon.
Tungod niini, ang mga lumulupyo sa mga dapit nga sagad makasinati og kanihit sa tubig giawhag usab nga mag-andam na og mga emergency supplies alang sa ilang seguridad.
