Nanawagan karon ang Alliance of Concerned Teachers Philippines ngadto sa Department of Education nga i-defer o i-suspend una ang pagpatuman sa three-term school calendar tungod sa kakuwang sa igong pagpangandam.
Gipahayag ni Ruby Bernardo nga dili igo ang usa ka adlaw nga online orientation aron masabtan sa mga magtutudlo ang dagkong kausaban sa sistema sa pagtudlo, grading, ug mga school forms.
Ingon man, gikuwestiyon ni Bernardo ang pagdali-dali sa ahensya nga unta ang mga tulunghaan gihatagan og usa ka tuig nga panahon sa pagpangandam.
Dugang pa niini, gipunting sa grupo nga wala pa hingpit nga nahanda ang mga pampublikong eskwelahan alang sa bag-ong polisiya.
Sa pagkatinuod, nag-antos karon sa kalibog ang mga magtutudlo gumikan sa kakuwang sa igong suporta ug kaandam sa maong programa.
