Nagtuo ang grupong Masa Sara Duterte Alliance kon MASADA nga gihimo na karon sa Malacañang ang Senado isip usa ka rubber stamp aron mapugngan ang imbestigasyon sa Blue Ribbon Committee batok kang Presidente Bongbong Marcos.
Sumala pa sa founding convenor sa maong grupo nga si Ben Ranque, tumong sa maong pagpaningkamot nga matabunan ang mga alegasyon sa pagpangawat nga nalambigit sa 18 ka mga kanhing Marines.
Gawas niini, gibutyag usab ni Ranque nga desperado ang administrasyon nga mabawi ang mayoriya sa Senado aron mahinayon ang pagpasaka og impeachment batok kang Bise Presidente Sara Duterte.
Hinuon, giinsister sa maong opisyal nga ang maong mga lihok maoy pagpamatuod lamang nga nahadlok ang pamunoan nga mabutyag ang tinuod nilang mga sala sa atubangan sa katawhan.
Busa, giklaro ni Ranque nga walay laing rason ang administrasyon sa pagpugong sa maong mga imbestigasyon gawas sa paglikay nga matumbok ang presidente sa nahisgotang mga isyu.
