Gisaway sa grupong Masa Sara Duterte Alliance kon MASADA ang administrasyong Marcos tungod sa giingong gibuhta niini nga pagpangharas sa mga senador pinaagi sa paghulga nga pasakaan kini og mga kaso.
Matod pa ni Ben Ranque, ang ilang Founding Convenor, ang mga senador nga dili mo-uyon sa baruganan sa Malacañang ang sagad makasinati niini nga matang sa pag-pressure.
Gibutyga ni Ranque ang iyang dakong pagsupak sa pamunoan pinaagi sa pag-ingon nga ang kasamtangang presidente usa ka lider nga gilangkoban sa 1% nga genius ug 99% nga perspiration.
Bisan pa sa ginaingong malisod nga kahimtang sa nasud, nagpabilin ang paglaom ni Ranque nga dili matulog ang Ginoo ug makab-ot gihapon ang hustisya alang sa katawhang Pilipino.
Sa katapusan, iyang gipunto nga ang maong mga lihok nagagikan sa pamilyang Marcos ug Romualdez nga maoy hinungdan sa kasamtangang kasuko sa katawhan.
