Bisan pa man sa dakong budget nga gigahin sa gobyerno alang sa sektor sa edukasyon, sagad nag-abuno gihapon ang mga magtutudlo sa ilang kaugalingong bulsa para sa mga panginahanglanon sa ilang mga classroom.
Gitin-aw ni Roland S. Cruz, coordinator sa Alliance of Concerned Teachers kon ACT Northern Mindanao, nga kulang ang Maintenance and Other Operating Expenses kon MOOE sa matag tulunghaan para sa gikinahanglang repair ug maintenance.
Tungod niini, napugos ang mga magtutudlo sa pagpangita og paagi aron masulbad ang mga kulang sa ilang mga lawak-tulunghaan tungod kay sila ra usab ang naglihok sa tanan.
Giklaro usab niini nga bisan og bawal ang solicitation, ang donasyon wala gi-dili aron matabangan ang mga panginahanglanon sa mga eskwelahan.
Sa pagkatinuod, nagpabilin ang maong problema matag tuig ilabi na sa panahon sa pagbukas sa klase tungod kay dili mabati kung asa padulong ang gi-gahin nga pundo sa gobyerno.
