Gi-anunsyo ni Acting City Information Officer Jade A. Adeser nga nagpagawas og kamandoan si Mayor Klarex nga suspensuhon ang mga klase gikan preschool hangtod grade 6 human sa nasinating linog kagahapon alas 7:40 sa buntag.
Dihadiha dayon nga nagpadala og composite team ang mayor nga naglangkob sa CDRRMD, City Engineering Office, ug Office of the City Building Official aron susihon ang kaluwasan sa mga eskwelahan.
Tungod sa pagsusi nga gihimo sa maong mga buhatan, nakahukom ang mayor nga hingpit nga kanselahon ang mga klase human sa 15 ngadto sa 30 minutos nga pag-monitor.
Bisan pa sa nahitabong pagtay-og, paspas ang lihok sa lokal nga kagamhanan aron masiguro nga luwas ang tanang tinun-an sa dakbayan.
Giklaro ni Adeser nga kabahin kini sa ilang hugot nga pagbantay aron malikayan ang bisan unsang disgrasya sa mga tulunghaan.
