Gipadayon sa lokal nga kagamhanan ang gipahigayon nga Peoples Day sa barangay Camaman-an kagahapong adlawa bisan pa sa nasinati nga linog atol sa kalihokan.
Sumala ni Jade Adeser, ang Acting City Information Officer, temporaryo lamang nga gipahunong ang programa og sulod sa 30 minutos aron masuta ang kahimtang sa palibot human mibati og tay-og ang tanan.
Dugang pa ni Adeser, gipaubos sa inspeksyon sa mga eksperto gikan sa City Hall ang area ilabi na ang cover court diin gipahigayon ang serbisyo aron masiguro nga luwas kini alang sa publiko.
Bisan pa sa maong panghitabo, malampuson nga na-serbisyohan ang kinatibuk-ang 1,412 ka mga benepisyaryo sugod alas-otso sa buntag hangtod alas-dose sa udto.
Sa ulahi, gikumpirma sa opisyal nga wala nay laing problema nga nasugatan og nahuman sa hingpit ang maong programa.
