Gipasalig ni Romeo Aclo, ang Program Head sa DepEd Cagayan de Oro, nga hapsay unta ang pag-abri sa mga klase ug wala nay problema sa mga eskwelahan kung wala pa mahitabo ang linog.
Hinuon, gipadayag ni Aclo nga dili gyud perpekto ang dagan sa pagpangandam ilabi na nga adunay mga ginikanan nga hangtod karon nagpa-enroll pa sa ilang mga anak.
Sumala pa sa opisyal, ang maong ulahing pagpa-enroll naghatag og hagit sa ilang pag-project sa panginahanglanon ug budget allocation para sa mga classroom.
Bisan pa niini, gipamatuod sa DepEd nga andam silang modawat ug mo-accommodate sa mga bata hangtod sa petsa 15 aron masiguro nga matabangan gihapon ang tanan.
Sa katapusan, giawhag ni Aclo ang publiko nga mas maayo unta kung sayo ang pagpa-enroll aron mas mahimong episyente ang pag-organisar sa mga resorses ug sa mga section sa mga tinun-an.
