Gipahibalo ni Fernando Sotsot Dy, PDRRMO Head, nga duha lamang ka mga Local Government Unit ang nagpatuman sa suspension sa mga klase karong adlawa human sa nasinating linog sa tibuok lalawigan sa Misamis Oriental.
Kini nga desisyon gihimo bisan pa sa kasayuran nga walay natala nga dagkong danyos sa mga imprastraktura sa tibuok dapit human sa pag-uyog sa yuta.
Hinuon, ang maong duha ka lungsod nga nag-deklara sa suspensyon sa ilang klase mao ang lungsod sa Opol ug ang dakbayan sa El Salvador gikan sa kinatibuk-ang 25 ka mga LGU sa probinsya.
Samtang nagpadayon ang ilang pag-assess sa kahimtang, gitataw sa opisyal nga wala silay nadawat nga taho mahitungod sa mga naapektuhan nga pamilya o indibidwal.
Sa pagkakaron, nagpabilin ang ilang pagbantay sa tanang dapit aron masiguro ang kaluwasan sa tanang residente sa probinsya.
