Gipahibalo ni Engr. Rainier Amilbahar, gikan sa PHIVOLCS, nga magnitude 7.8 ang nasinating linog sa Mindanao human nila nakompleto ang pag-recompute sa tanang nakalap nga data.
Base sa ilang pagtuon, ang sentro sa pag-uyog sa yuta nahimutang 22 ka kilometro sa habagatan, 04 degrees kasadpan sa Magsaysay, Sarangani, nga adunay giladmon nga 33 ka kilometro.
Tungod niini, dali silang nagpagawas og tsunami advisory sulod sa wala pay 30 minutos gikan sa pag-igo sa linog aron i-evacuate ang mga komunidad nga nag-atubang sa habagatan-kasadpang bahin sa Mindanao.
Dugang pa niini, gikumpirma usab sa opisyal nga dako ang nahimong kadaot sa General Santos City tungod sa kakusog sa pag-uyog.
Samtang nagpadayon ang pagsusi, nasayran nga pipila usab ka mga lungsod sa Sarangani Province ang nakatagamtam og intensity 7 gikan sa maong panghitabo.
