Mipasaka na og legal nga lakang si Lanao del Sur 1st District Representative Zia Alonto Adiong human niya pasakai og kasong libel ang 18 ka kanhi mga marino.
Gitin-aw ni Adiong nga wala siya modawat og bisan unsa nga maleta nga puno sa kwarta kay sumala pa niya, wala siya sukad nakakita sa iyang kinabuhi og ingon niana nga matang sa bagahe.
Hinuon, nagdesisyon ang kongresista nga iduso na lang kini sa korte aron didto na magtinubagay ug mapakita sa mga akusado ang ilang ebidensya kon tinuod man kini.
Gihimakak usab ni Adiong ang pasangil tungod kay hugot siyang nagtuo nga ang House of Representatives dunay mga CCTV nga makapamatuod kon duna bay insidente sa paghatud og kwarta.
Sa pagkakaron, ang maong kaso giisip sa magbabalaod nga usa ka pamaagi aron mahatagan og katin-awan ang mga tamak-tamak nga pasangil ngadto sa iyang pagkatawo pinaagi sa legal nga proseso.
