Andam na ang kagamhanan sa Mexico sa pag-host sa FIFA world cup sa ikatulo nga higayon base sa taho ni Julius Lerdon, ang Bombo international news correspondent sa Mexico.
Aron maseguro ang seguridad sa tulo ka mga nag-unang sites sa dula, si Lerdon miingon nga mopakatap ang Mexico og mokabat sa 100,000 ka mga pulis nga naka-uniporme.
Gawas sa hugot nga seguridad, gipahugtan usab sa maong nasod ang ilang polisiya sa pag-isyu og visa alang sa mga langyaw nga buot mosulod sa ilang teritoryo.
Sa laing bahin, mogamit usab sila og mga modernong teknolohiya sama sa mga drone ug nagkalain-laing matang sa scanner aron mamonitor ang sulod ug gawas sa mga venues.
Dugang pa niini, duna usay gipatuman nga mga lagda sa espesipikong gidak-on sa mga bag nga mahimong dalhon sa mga tumatan-aw sulod sa mga stadium.
