Nagpaabot na ang kagamhanan sa Mexico sa pag-abot sa milyon-milyon ka mga fans alang sa FIFA world cup sumala pa sa Bombo international news correspondent nga si Julius Lerdon.
Gumikan sa maong kalihukan, daghan matod pa ang mga hotel sa dapit ang nagpaubos sa presyo sa ilang mga lawak aron makadani og dugang mga turista bisan pa man nga adunay pipila nga mitaas ang bayranan.
Dugang pa niini, gipasalig sa maong nasod nga nagbubo sila og bilyon-bilyon ka pesos nga pundo aron masiguro nga mahimong nindot ug malampuson ang maong internasyonal nga dula.
Hisayrang dili lamang limitado sa mga duwa ang ilang itanyag sanglit abli usab ang nasod alang sa mga langyaw nga buot mosuway sa kultura, pagkaon, ug uban pang mga atraksyon sa Mexico.
Sa pagkatinuod, gihulagway kini ni Julius Lerdon nga usa ka nasod nga giila gyod sa turismo.
