Gipadayag ni Xavier University basketball coach Rocky Calingin ang iyang dakong kasagmuyo sa giingong kakulang sa hustong komunikasyon ug pag-atiman sa Ateneo de Manila University human sa pagkalumos sa duha nila ka atleta.
Matud ni Calingin nga sakit palandungon nga ang mga ginikanan sa biktima pa mismo ang nakadungog sa maong trahedya gikan sa laing tawo ug sila pa ang naningkamot sa pagpangita og pamaagi aron makabiyahe padulong sa kauluhan.
Gikumpirma usab sa coach nga ang maong hitabo nagpabiling samad sa sentimento sa mga taga-Mindanao tungod kay gibati nila ang matang sa diskriminasyon sa pag-atiman sa mga atleta.
Bisan pa niini, gipunting ni Calingin nga dili angay i-generalize ang tanang sitwasyon apan klaro nga adunay dakong kapakyasan ang eskwelahan sa maong insidente. T
ungod niini, nanawagan siya nga kinahanglan gayud nga adunay manubag sa maong kamatayon aron mahatagan og katarungan ang nahitabo sa mga batan-ong atleta.
