Gipadayag ni Fr. Der John Faborada, social communication apostolate sa Archdiocese of Cagayan de Oro, nga personal nga nakig-alayon si Archbishop Jose Cabantan sa mga obispo sa Diocese of Marbel ug Diocese of Digos.
Subay sa maong inisyatibo, nagpadala og tabang pinansyal ang archdiocese alang sa mga biktima sa linog sa maong mga dapit isip bahin sa ilang relief operations.
Dugang pa niini, gipasalig ni Fr. Faborada nga pinaagi sa buhatan sa social action sa matag dioceses, mas mapadali ang paghatod sa maong hinabang ngadto sa mga pamilyang labing apektado sa pagtay-og.
Hinungdan nga gipaningkamotan gyud sa ilang buhatan nga makaabot ang igong suporta ngadto sa mga dapit nga grabe ang nahiagoman nga pinsala.
Busa, padayon ang ilang pag-ampo ug paghatag og kadasig sa mga biktima taliwala niining kalisdanan nga ilang giatubang.
