Nasikop sa usa ka operasyon sa kapulisan ug PDEA sa Barangay Upper Carmen, Cagayan de Oro City ang usa ka 18-anyos nga lalaki nga giila nga si Rap-rapa.
Atol sa maong buy-bust, nakumpiska gikan sa suspetsado ang lima ka pakete sa gidudahang shabu nga motimbang og 105 gramos ug dunay gibana-banang kantidad nga 714,000 pesos.
Subay sa impormasyon gikan sa Police Regional Office 10, ang maong indibidwal nagtrabaho isip car wash attendant ug gituohang nalambigit sa ilegal nga kalihokan aron madugangan ang iyang kinitaan.
Tungod niini, mag-atubang na karon ang suspetsado og kasong paglapas sa Comprehensive Dangerous Drugs Act of 2002.
Sa laing bahin, nagpasalig ang Police Regional Office 10 nga magpadayon ang ilang kampanya batok sa ilegal nga droga aron masiguro ang seguridad sa komunidad sa Northern Mindanao.
