Nagtuo si Former Cagayan de Oro Mayor Atty. Oscar Moreno nga ang paglingkod ni Senator Sherwin Gatchalian isip Senate President magdala og maayong timailhan alang sa Senado.
Alang kaniya, importante kaayo nga makab-ot ang panaghiusa o harmony diha sa maong lawak balaoranan aron hapsay ang pagdagan sa ilang mga trabaho.
Gihisgotan usab sa abogado ang bahin sa pag-akomodar sa tulo ka mga miyembro sa minoriya alang sa pagpangulo sa nagkalain-laing komitiba.
Butyag niya bisan nga, daw minos ang chairmanship nga nakuha sa bahin sa Cayetano group, nalipay matod pa siya nga gi-offer kini sa mayoriya aron mapalambo ang pagtinabangay.
Busa para kaniya, walay lain nga agenda ang bag-ong liderato gawas sa pagserbisyo nga hapsay ug hiniusang trabaho sa Senado.
