Gitin-aw ni National Football Coach Martin Lester R. Laurel kung nganong giila nga “greatest show in the world” ang dula nga football.
Subay sa iyang pahayag, ang pagpangandam niini mokabat og upat ka tuig ug kini usab usa ka tradisyon nga nagsugod pa niadtong daghang siglo ang milabay.
Dugang pa sa coach, ang tibuok kalibutan naghiusa sa pag-apil ug pagtan-aw sa maong kompetisyon pinaagi sa live streaming.
Gihatagan usab og gibug-aton ni Laurel nga ang FIFA nagpunting sa partisipasyon sa tanang tawo, diin aduna pay mga nasod nga nagdeklarar og national holiday aron isaulog ang ilang mga koponan.
Alang kang coach Laurel, ang hiniusang preparasyon sa mga team, ang dedikasyon sa mga fans, ug ang historikal nga importansya niini nagahatag og dakong gahum sa paghiusa sa tibuok kalibutan.
