Mokabat na sa upat ang gidaghanon sa mga namatay human sa nahitabong pagpamusil sulod sa usa ka tulunghaan sa Siyudad sa Tacloban.
Wala na makaya sa ulahing biktima nga estudyante ang iyang mga samad samtang giatiman kini sulod sa tambalanan.Gikumpirma sa Philippine Red Cross (PRC) ang kamatayon sa ikaupat nga biktima sa alas-7 sa gabii kagahapon sa Lunes, Hunyo 22.
Aduna usab 15 ka mga estudyante gikan sa San Jose National High School ang kasamtangang nagpaayo karon sa tambalanan.
Kahinumduman nga nasikop na sa mga awtoridad ang duha ka suspek sa maong pagpamusil, diin ang usa sa mga armas nga gigamit gipanag-iya sa usa ka babayeng pulis, samtang ang .38 caliber nga pistola nakarehistro sa usa ka security agency.
