Pakyas nga maka-abante si Filipina tennis star Alex Eala human siya gipildi ni Belguim’s bet Elise Mertens sa unang round sa Bad Homburg Open karong adlawa pinaagi sa score nga 6-3, 6-3.Sa sinugdanan, nindot ang dagan sa dula ni Eala kay nakabiya siya og 3-1 sa unang set.
Apan, gipakita sa 30-anyos nga Belgian nga si Mertens ang iyang kasinatian ug sunod-sunod nga gipangdaog ang lima ka games aron makuha ang unang set.
Pag-abot sa ikaduhang set, nagpadayon ang momentum ni Mertens ug nakabiya siya og 3-0.
Bisan pa sa paningkamot ni Eala nga makabawi ug mapugngan ang dula, natapos gyud kini pabor kang Mertens pinaagi sa straight sets.
Bisan pa sa iyang kapildihan sa singles, padayon gihapon ang kampanya ni Eala sa doubles event, diin pares niya ang tennis legend nga si Venus Williams.
