Gihubad sa Moro Human Rights Defender nga si Rhadem Musawah ang kalainan sa Sharmaine Bill ug Kagandahan Bill atol sa usa ka interbyu.
Sa iyang pagpasabot, iyang gipunting nga bisan pa og dunay koneksyon ang duha ka balaodnon, lahi ang pokus sa matag usa tungod kay ang Kagandahan Bill nagtan-aw sa mga panginahanglan sa intersex nga mga hamtong ug mga bata nga dunay medical issues.
Sa laing bahin, iyang giklaro nga ang Sharmaine Bill o ang Gender Legal Recognition Bill mas nagtuki sa pag-usab sa gender marker ug pangalan aron mahiangay sa gipiling identidad sa usa ka tawo.
Dugang pa ni Musawah, kini nga mga balaodnon naghatag og oportunidad sa mga marginalized nga sektor nga makapili og pangalan nga makapabati kanila nga dignified nga walay dako nga gasto sa legal nga proseso sa korte.
