Gikumpirma ni LTC. Joe Patrick Martinez, ang tigpamaba sa 4th ID Philippine Army, nga maglisod na ang grupo sa New People’s Army sa Northern Mindanao sa pagsulod sa mga probinsya sa Bukidnon, Misamis Oriental, ug Agusan del Sur tungod sa hugot nga reporting system sa mga komunidad.
Matod pa niya, dako og tabang ang paspas nga paghatag og impormasyon sa mga sibilyan ngadto sa 8th Infantry Battalion aron gilayong mapugngan ang unsa man nga dautang plano sa mga rebelde.
Tungod sa maong pagtinabangay, na-minimize na og maayo sa kasundalohan ang lihok sa maong mga dautang elemento human usab nakunhod ngadto sa 18 ka aktibong miyembro na lang ang nabilin sa North Central Mindanao Regional Committee.
Gumikan niining maong kalamboan, magpadala pa og dugang mga tropa sa militar sa maong mga dapit aron mas mapalapdan pa ang clearing operations ug mapugos na sa pag-surrender ang mga nabiling miyembro sa walhong grupo.
