Giklaro ni PRO-10 Spokesperson PMAJ Joann Navarro nga ang pag-implementar sa Oplan Balik Eskwela dili lamang sa pag-abre sa klase nga nag-sugod niatong June 8, apan sa tibuok school year 2026 to 2027,.
kini alayon sa kamanduan ni PRO-10 Regional Director Police Brigadier General Christopher N. Abrahano nga paghugtan ang seguridad sa tanang mga tunghaan sa rehiyon.
Isip kabahin niini, magpadayon ang pag-deploy sa mga personahe sa kapulisan aron sigurohon ang kaluwasan sa mga estudyante, magtutudlo, ug mga ginikanan.
Gipatin-aw ni PMAJ Navarro nga bisan pa og internal nga pagdumala ang sulod sa eskwelahan, magpabilin ang presensya sa kapulisan sa gawas aron kanunay nga i-review ug i-enhance ang mga gipatuman nga security measures.
Lakip sa ilang gipangusgan mao ang police visibility, mobile patrolling, ug pagpahigayon og foot patrol sa mga eskwelahan, uban ang hugot nga koordinasyon sa mga school officials.
Tungod niini, nanawagan ang kapulisan og suporta gikan sa mga ginikanan, magtutudlo, ug local government units aron hiniusang makab-ot ang mas luwas nga palibot alang sa mga tinun-an.
