Gipalig-on karon sa Provincial Agriculture Office o PAGRO sa Misamis Oriental ang ilang mga pagpangandam aron makapangandam ang probinsya batok sa hulga sa El Niño.
Sumala pa sa PAGRO Officer-in-Charge nga si Michelle Ross Lace, bisan wala pa’y deklaradong state of emergency, nagpadayon ang ilang pag-apod-apod og mga hose ug uban pang ayuda ngadto sa mga barangay ug lungsod sama sa Alubijid ug Gingoog City.
Isip lakang sa administrasyon ni Governor Juliette Uy, mopatuman sila og Solar-Powered Drip Irrigation System nga nagkantidad og 10 milyones pesos alang sa mga nagkalain-laing Local Government Units ug mga people’s organizations.
Gawas niini, gigahinan sab og dugang 10 milyones pesos ang Community-Based Vegetable Production Program aron mapalapdan ang backyard gardening ug food production sa mga panimalay.
Busa, giawhag ni Lace ang mga mag-uuma ug mangingisda nga moduol sa ilang buhatan aron makapahimulos sa mga programa nga makatabang sa pagpa-uswag sa ilang produksyon ug panginabuhian.
