Gilaraw ni Atty. Venamay Celeste, pangulo sa CSWD sa dakbayan nga aduna silay komprehensibong pamaagi sa pag-atiman sa mga Children in Conflict with the Law (CICL) pinaagi sa mga lakang nga preventive, rehabilitative, ug reintegration.
Samtang gipalig-on sa ilang buhatan ang pakigtambayayong sa mga barangay alang sa pagmugna og Comprehensive Barangay Juvenile Intervention Program isip pamaagi sa pagpugong sa krimen.
Ingon ni Atty. Celeste, ang rehabilitasyon magdepende sa desisyon sa korte, diin ang mga bata nga nag-edad og 15 anyos pataas hangtod ubos sa 18 anyos nga adunay criminal liability mahimong moagi og diversion program o ibutang sa pasilidad depende sa bug-at sa krimen.
Hinuon, mapasigarbuhon ang buhatan nga ang dakbayan sa Cagayan de Oro nakabaton na og managlahing pasilidad sa Bahay Pag-asa alang sa mga lalaki ug babaye nga mga bata.
