Niduso og petisyon ang Save Bangsamoro Movement sa Korte Suprema aron ideklarar nga unconstitutional ang Local Government Support Fund o LGSF sulod sa BARMM tungod sa giingong paggamit niini isip politikal nga makinarya.
Gipahayag ni Datu Tokz Bin Abdurrahman nga gihimo na karong basehan ang pag-anib sa partido sa mga politiko aron makadawat sa maong pondo, hinungdan nga 90% sa mga lokal nga opisyal gikan sa mga mayor hangtod sa mga barangay ang napugos na sa pag-apil.
Tungod niini, naghangyo ang pundok og Temporary Restraining Order aron mapahunong ang paggasto sa pondo karong nagsingabot ang eleksyon ilabi na kay gigamit kini sa pamolitika imbes nga sa serbisyo publiko.
