Gikumpirma ni Ken Ranan, Barangay Administrator sa Barangay Lapasan, nga moabot na sa 200 ka pamilya ug hapit 500 ka indibidwal ang ilahang natala nga biktima sa miaging sunog sa Sitio Little Cebu ug Gaabucayan sa Barangay Lapasan.
Samtang nagpadayon pa ang imbestigasyon sa Bureau of Fire Protection kalabot sa hinungdan sa maong insidente, naghatag na og tabang ang barangay pinaagi sa pagtagana og pagkaon ngadto sa mga bakwit nga anaa karon nahimutang sa mga covered court sa Sitio Lapaz 1 (uno) ug Sitio Santo Nino.
Sa pagkakaron, gipasalig sa Baranagy LGU nga serbisyohan nila og pagkaon ang mga biktima sulod sa pito ka adlaw.
Dugang pa ni Ranan, andam usab ang barangay nga mohatag og dugang nga suporta kung gikinahanglan sa mga pamilya ilabi na kadtong wala pay kapasidad nga makabangon dayon sa ilang pagpuyo.
