Gipamugos ni Dr. Jean A. Lindo sa Gabriela nga angay gayud i-ban sa gobyerno ang mga dula o content sa internet nga nagpakita og kapintasan aron maprotektahan ang mga menor de edad.
Dugang pa niya, kinahanglan usab nga ipatuman ang estriktong age verification sa pag-access niini isip kabahin sa solusyon alang sa transformative justice sa atong katilingban.
Hinuon, gipunting ni Lindo nga ang pagpanalipod sa mga bata nanginahanglan usab og pagtinabangay sa eskwelahan, simbahan, ug ilabi na sa pamilya.
Sa katapusan, iyang gipahinumdoman nga kung kulang ang pamilya sa edukasyon ug akses sa paggiya, magpabiling lisod ang paghatag og saktong proteksyon sa mga batan-on.
