Gipasigarbo ni RDC-X Chairperson ug Misamis Occidental Governor Henry S. Oaminal atol sa iyang State of the Region Address (SORA) kagahapon sa ika-145 nga Regional Development Council (RDC)-X Full Council Meeting sa USTP Gymnasium ang pag-validate sa Regional Project Monitoring Committee sa 415 ka mga flood control projects nga gipatuman gikan sa 2022 hangtod 2025.
Gikumpirma niya nga kining tanan nga mga proyekto pisikal gayud nga anaa sa dapit diin kini gikinahanglan.
Subay niini, iyang gipasiugda nga kining maong mga kalampusan nagmatuod sa transparency, accountability, ug ang hingpit nga kawala sa mga ghost flood control projects sa Northern Mindanao.
Busa, gihatagan og bug-at ni Oaminal nga kini nga mga lakang nagpakita sa lig-on nga pagdumala alang sa kaayohan sa mga molupyo sa rehiyon.
