Dakong hagit sa mga simbahan ang pagbuhat og mga lakang alang sa kaayuhan sa mga kabatan-onan karong panahona, mao kini ang gipadayag ni Brother Wilson Amad usa saka Catechist human nga nabati sa simbahan ang grabeng kasubo sa sunod-sunod nga isyu kalabot sa mga Children in conflict with the law sa nasud.
Butyag ni Amad nga ang mga bata gilantaw sa simbahan isip bahandi apan gikabalak-an matod pa sa religious sector ang pag-usab na sa mga kinaiya sa bag-ong henerasyon.
Isip tubag niini, padayon ang simbahan sa paghatag og mga serbisyo sama sa counselling, cathetism ug pag-hatag og luwas nga pinuy-anan alang sa mga batan-on pinaagi sa Bahay Pag-asa.
Dugang pa ni Amad, dinhi sa Cagayan de Oro, ang programa nga St. Ignatius Care for the Poor maoy nagtinabangay sa pagpakaon, pagtudlo, ug pag-atiman sa mga kabatan-onan nga nag-atubang og mga problema sa balaod ug sa ilang pamilya.
