Pag-apil sa criminal liability sa mga ginikanan ang gisugyot ni Mental Health Coach Stella Ferrarez sa giamendar nga Republic Act 9344 aron mas mapanubag ang mga ginikanan sa mabuhat nga sala sa ilang mga anak.
Gipasabot sa eksperto nga imbes sa Pre-Cana seminar lang ipatuman ang maong responsibilidad, mas maayo nga moagi og psychological evaluation ang mga ginikanan aron masabtan ug ma-resolve ang ilang kaugalingong trauma ug personal nga mga isyu.
Tungod niini, malikayan ang pag-displace sa ilang mga tinagoang kalagot o problema ngadto sa ilang mga anak nga posibleng makatukmod kanila sa sayop nga dalan.
Dugang pa ni Ferrarez, kining lakang sa balaod ang gikinahanglan aron mamahimong tulubagon sa mga ginikanan ang kriminal nga buhat sa ilang mga anak nga menor de edad nga bunga sa ilang pagkapakyas isip mga ginikanan.
