Lahi ang kasinatian sa mga Pinoy sa Amerika atol ning nasinati nga heatwave tungod kay naanad na sila sa kainit sa Pilipinas itandi sa mga lumad nga Amerikano.
Sumala pa ni Bombo International Correspondent Bombo Dolly Ilogon, mas makalahutay ang mga Pinoy sa maong temperatura kay giisip nila kini nga mas maayo kaysa grabeng katugnaw panahon sa tingtugnaw.
Bisan pa man sa maong pamilyar nga sitwasyon, nagpabilin gihapon ang pag-amping sa mga kababayan tungod kay adunay mga Pinoy nga naanad na sab sa tugnaw nga panahon sa abroad.
Gihimug-atan ni Ilogon nga dili angayan nga mokompiyansa sa tumang kainit bisan pa og komportable ang pipila ka mga tawo niini.
