Wala masabti sa Green Party of the Philippines ang padayong pagduso sa gobyerno sa mga mining activities sa nasud taliwala sa gamay nga porsyento niini sa GDP sa nasud nga anaa lamang sa 1 porsyento.
Nunot niini, gipunto ni David D’Angelo, National Chairperson sa Green Party of the Philippines, nga kinahanglan nang usbon ang kasamtangang polisiya sa nasud pinaagi sa pag-ban sa export sa raw minerals aron madasig ang pagtukod og mga heavy industries nga makapataas sa kita sa nasud og 5 ngadto sa 10 porsyento.
Giklaro ni D’Angelo nga kini nga lakang makatabang sa pagpanalipod sa kinaiyahan ug pagsiguro nga ang mga mineral nga makuha sa nasud dili lamang basta ma-export nga walay igong bayad sa gobyerno.
